муз. Эдуард Ханок
      сл. Ніл Гілевіч

Вы шуміце шуміце
Надамною бярозы,
Калышыце люляйце
Свой напеў векавы,

  А я лягу прылягу
  Край гасцінца старога
  На духмяным пракосе
  Недаспелай травы.

А я лягу прылягу
Край гасцінца старога
Галавой на пагорак
На высокі курган

  А стамлённыя рукі
  Вольна ў шыркі раскіну,
  А нагамі ў даліну,
  Хай накрые туман.

Вы шуміце шуміце
Надамною бярозы,
Асыпайце мілуйце
Ціхай ласкай зямлю

  А я лягу прылягу
  Край гасцінца старога
  Я здарожыўся трохі
  Я хвілінку пасплю.

  Вы шуміце шуміце
  Надамною бярозы,
  Асыпайце мілуйце
  Ціхай ласкай зямлю.